மூலிகைகள்

 

மிளகு 

"பத்து மிளகு இருந்தால், பகைவன் வீட்டிலும் உண்ணலாம்". 

மிளகு  (பைப்பர்  நிக்ரம்  Piper  nigrum)  என்பது  'பைப்பரேசியே'  என்ற  தாவரக்  குடும்பத்தைச் சேர்ந்த தாவரமாகும். இதுபூத்துக்  காய்த்துப்   படர்ந்து  வளரும்  கொடிஇனத்தைச் சேர்ந்த தாவரமாகும். இவற்றில் மிளகு மற்றும்  வால்  மிளகு   என  இரு  வகையினங்கள்  அறியப்படுகின்றன. இதன் சிறியப் பழங்கள், உலர வைக்கப்பட்டு நறுமணப் பொருளாகவும், மருந்தாகவும், உணவின்  சுவையூட்டியாகவும், மணமூட்டியாகவும் பயன்படுத்தப் படுகின்றன. மிளகில், அவை பதப்படுத்தப்படும் முறைக்கேற்ப கரு மிளகு,  வெண்  மிளகு, சிவப்பு மிளகு, பச்சை மிளகு எனப் பல வகைகள் உள்ளன. மிளகுக் கொடியின் பிறப்பிடம் தென்னிந்தியா ஆகும்.தென்னிந்தியாவில்கேரளாவில்  பெருமளவு  மிளகு  பயிரிடப்படுகிறது.

மிளகின் அறிவியல் வகைப்பாடு மற்றும் இருசொல் பெயர் கீழே தரப்பட்டுள்ளது :

 

உலகம்    :     தாவரங்கள்

வரிசை    :     பைபரலேஸ்

குடும்பம்   :     பிப்பெரேசி (Piperaceae)

பேரினம்   :     பிபர் (Piper)

இனம்     :     பி நிக்ரம் (P. Nigrum)

 

இருசொல் பெயர் : பிபர் நைக்ரம்

 மிளகின்  வேறு  பெயர்கள் : 

தமிழ்	:	மிளகு
தெலுங்கு	:	மிரியாலு  அல்லது  மிரியம்  (Miriyam,  మిరియం)
கன்னடம்	:	மெனசு  (Menasu,  ಮೆಣಸು)
மலையாளம்	:	குரு  முளக்(Kuru  Mulagu, കുരുമുളക്)
மராட்டி	:	மிர்பூட் (Mirpud, मिरपूड)
இந்தி	:	காலி மிர்ச் (Kali Mirch, काली मिर्च)
வங்காளம்	:	மரீச (Maricha, মরিচ)

மிளகுக்  கொடி,  வெப்ப  மண்டலத்தைச்  சார்ந்த  தாவரமாதலால்,  தென்னிந்தியாவின் தட்பவெப்ப நிலை இத்தாவரத்திற்கு ஏற்றதாக உள்ளது.  மிளகின்  காரத்தன்மை  அதிலுள்ள  பெப்பரைன் என்ற  வேதிப்பொருளால்  உண்டாகிறது. மிளகுத் தூள் பெரும்பான்மையான  நாடுகளில்,  சமையலுக்கும் மருந்தாகவும் பயன்படுத்தப் படுகிறது.  மிளகின்  கொடி, இலை, கனி மற்றும் வேர் பயன்  தரும்  பாகங்களாகும்.

இந்தியாவைப் பிறப்பிடமாகக் கொண்ட  மிளகு,  பழங்காலத்திலிருந்தே சமையலில்  முக்கியப் பொருளாகப்  பயன்படுத்தப்படுகிறது. இந்தோனேசியா, மலேசியா போன்ற தென்கிழக்கு ஆசிய  நாடுகளில்  மிளகு  தற்போது  சிறந்து  விளங்கினாலும்,   இந்தியாவில் உள்ள கேரளம்,  பன்னெடுங்காலமாகவே  மிளகுச் சாகுபடியில்  கோலோச்சி வருகிறது. 

மிளகு  பணப்பயிராக இருப்பதனால்,  இது  'கருப்புத்  தங்கம்'  எனவும் குறிப்பிடப் படுகிறது.  பண்டைக்காலத்தில் பணத்திற்கு மாற்றாக மிளகைப் பண்டமாற்றுப் பொருளாகப் பயன்படுத்திய வரலாறும் உண்டு.

சங்க இலக்கியங்களில் மிளகு 

இலக்கியம்  சமூகத்தின் கண்ணாடி ஆகும்.    சமூகத்தில்  நடைபெறுகின்ற நிகழ்வுகள்  இலக்கியத்தின் வாயிலாக பதியப்படுகின்றன.   அங்கனம்,  தமிழ்  சங்க இலக்கியத்திலிருந்து பண்டைய தமிழர்களின் வாழ்வியல் முறைகளை அறியலாம்.  

தமிழில் சங்க இலக்கியங்கள்  பழந்தமிழர்களின்  மிளகு பயன்பாட்டை  தெளிவாக எடுத்துரைக்கின்றன.  

கள்ளியம் பேரியாற்று வெண்ணுரை கலங்க

யவனர் தந்த வினைமாண் நன்கலம்

பொன்னொடு வந்து கறியொடு பெயரும்

வளங்கெழு முசிறி ( அகநானூறு,149)

 

கறிவளர் சாந்தம் (அகநானூறு,2)

 

துறுகல் நண்ணிய கறியிவர் படப்பை (அகம்,272)

 

மன்கைகுவைஇய கறிமூடையால்

கலிச்சும்மைய கரைகலக் குறுந்து கலந்தந்த பொற்பரிசம்

கழித்தோணியால் கரைசேர்க்குறுந்து (புறநானூறு,343)

 

கறிவளர் அடுக்கம் (குறுந்தொகை,288)

 

பைங்கறி நிவந்த பலவின் நீழல்(சிறுபாணாற்றுப்படை,43)

 

பசுங்காய்ப் போழொடு கறிகலந்து

கஞ்சக நறுமுறி யளையீ(பெருபாணாற்றுப்படை,(வரி 307,308)

 

தடவிநிலைப் பலவின் முழுமுதல் கொண்ட

சிறுசுளைப் பெரும்பழம் கடுப்ப மிரியல்

புணர்ப்பொறை தாங்கிய வடுவாழ் நோன்புறத்து

அணர்ச்செவி கழுதைக் சாத்தோடு வழங்கும்

உல்குடைப் பெருவழி (பெருபாணாற்றுப்படை,77-800)

 

காலில் வந்த கருங்கறி மூடை(பட்டினப்பாலை,186)

யவனர்கள் பொன்னைக் கொடுத்து மிளகை வாங்கிச்சென்றுள்ளனர்.  மிளகிற்காக சுங்க வரி வசூலிக்கப்பட்டது.  பண்டமாற்று பொருளாகவும் மிளகு பயன்படுத்தப்பட்டு வந்தது.  அடுக்கலைகளில் அஞ்சறைப்பெட்டிகளிலும் மிளகு இடம்பெற்றிருந்தது.  

மிளகின்  வரலாறு 

இந்தியாவைப் பிறப்பிடமாகக் கொண்ட  மிளகு,  பழங்காலத்திலிருந்தே சமையலில்  முக்கியப் பொருளாகப்  பயன்படுத்தப்படுகிறது. இந்தோனேசியா, மலேசியா போன்ற தென்கிழக்கு ஆசிய  நாடுகளில்  மிளகு  தற்போது  சிறந்து  விளங்கினாலும்,   இந்தியாவில் உள்ள கேரளம்,  பன்னெடுங்காலமாகவே  மிளகுச் சாகுபடியில்  கோலோச்சி வருகிறது.    மிளகு  பணப்பயிராக இருப்பதனால்,  இது  'கருப்புத்  தங்கம்'  எனவும் குறிப்பிடப் படுகிறது.  பண்டைக்காலத்தில் பணத்திற்கு மாற்றாக மிளகைப் பண்டமாற்றுப் பொருளாகப் பயன்படுத்திய வரலாறும் உண்டு.

இடைக்காலத்தில் இந்தியாவில் விளைந்த  மிளகு  உலகமெங்கும்  விற்கப்பட்டது.  16  ஆம்  நூற்றாண்டின்  இறுதியில்,  மிளகு பல  கிழக்காசிய  நாடுகளிலும்  குறைந்த  அளவில்  பயிரிடப்பட்டது.  இவ்விடங்களில்  விளைந்த  மிளகு  சீனாவிற்கும்,  உள்நாட்டுத் தேவைகளுக்காக மட்டுமே விற்கப்பட்டதால், மேற்கத்திய நாடுகள், தங்களின் மிளகுத் தேவைக்கு இந்தியாவையே நம்பி    இருந்தன.

இந்தியாவில் விளைந்த மிளகு போன்ற நறுமனப் பொருட்கள், உலக வரலாற்றையே ஆட்டிப் படைத்தன. பிரித்தானியர்கள், மிளகை டச்சு வணிகர்களிடமிருந்தே வாங்கி வந்தனர்.  திடீரெனெ டச்சு  வணிகர்கள்  மிளகின் விலையை ஐந்து  சில்லிங்  ஏற்றியதன்  விளைவாக கிழக்கிந்தியக்  கம்பெனி  என்ற  நிறுவனம் துவங்கப்பட்டது. 

ஐரோப்பியக்  குடும்பங்களில்  செல்வச்  செழிப்புள்ள ஒரு  பெண்  திருமணமாகி  வரும்போது  சீதனமாக  மிளகைக்  கொண்டுவருவது பெருமையாகக்  கருதப்பட்டது.  ஐரோப்பிய  நாடுகளில்,  நறுமணப்  பொருட்களின்  தேவை  மிகுதியாக இருந்ததினாலும்,  அப்  பொருட்கள்  மிக  விலை  உயர்ந்ததாக  இருந்ததாலும்,  அவற்றின்  இறக்குமதியை  அதிகப்படுத்தும்  பொருட்டு,  இந்தியாவிற்கு கடல்வழி  கண்டுபிடிக்கும் பணி துவங்கியது.  இதன்  வாயிலாகவே  இந்தியாவின் கடல்வழி  கண்டுபிடிக்கப்பட்டது. இம்முயற்சியின் விளைவாகவே அமேரிக்க கண்டமும் கண்டு பிடிக்கப் பட்டது என்பது வேறு கதை.   இம்முயற்சிகளே  பின்னர்,  இந்தியாவை  ஐரோப்பியர்  கைப்பற்றி  அரசாளவும்,  அமெரிக்கா  போன்ற  கண்டங்களைக்  கண்டுபிடித்துக்  குடியேற்றம்  செய்யவும்  வழிவகை  செய்தது.

லத்தீன் மொழியில் மிளகு பைப்பர் என அழைக்கப் பட்டது.  எகிப்தின் பிரமிடுகளில் காணப்பட்ட இறந்த அரசர்களின் மம்மிக்களின் மூக்குத் துளைகளில் மிளகு காணப் பட்டது. இதன் வாயிலாக பண்டைய  எகிப்த்து  நாகரிகத்தில்  மிளகு  சிறந்த  மருத்துவப்  பொருளாகவும்,  விலையுயர்ந்த  பொருளாகவும்  மதிக்கப்பட்டுள்ளது  என்பதை  அறியலாம். 

கி.மு.  1213  ஆம்  ஆண்டில்,  எகிப்த்தின்  அரசனான இரண்டாம் ராம்சிஸின் இறுதி  சடங்குகளில்  மிளகு  பயன்படுத்தப்பட்டுள்ளது. இங்கிருந்து மரக்கலங்கள் வாயிலாகக் கொண்டு செல்லப்பட்டு மிளகு வாணிபம் செய்யப்பட்டது. மிக  விலையுயர்ந்த  பொருளாகவும்,  பெரும்  தட்டுப்பாடுடைய  பொருளாகவும்  இருந்ததால்,  செல்வந்தர்  மட்டுமே  மிளகின்  சுவையை  அறிந்திருந்தனர்.

கி.மு.  30  இல், எகிப்து ரோமாபுரிப் பேரரசின் பகுதியானபின்,  தென்  இந்தியாவின்  கேரளக்  கடற்கரையில்  இருந்து  அரபிக் கடலின் வழியாக மேலை நாடுகளுக்கு கப்பல் வழியாக முறையான  வாணிபம் துவங்கப் பட்டது.  ரோமாபுரிப் பேரரசின் வரலாற்றுச் சான்றுகள் வாயிலாக,  ஆண்டுதோறும்  பருவக் காலங்களில் சுமார்  120  வாணிகக்  கப்பல்கள் இந்தியாவுக்கு வாணிபத்திற்காக வந்ததாக  அறிய  முடிகிறது.  இக்கப்பல்களில்  கொண்டு  செல்லப்பட்ட  நறுமணப்  பொருள்களும், முத்து, வைரம் போன்ற  கற்களும், மைய ஆசியாவிலுள்ள செங்கடல் வரை  கொண்டு  செல்லப்பட்டு,  பின்  நிலவழியாகவோ,  நைல் ஆற்றின்  கால்வாய்கள்  வாயிலாகவோ,  மத்தியதரைக் கடல் வழியாகக் கப்பல்களின் துணையோடு ரோமாபுரிப் பேரரசுக்கு அனுப்பப்பட்டன.  இந்தியாவுக்கு  நேரடிக்  கடல்வழி  கண்டுபிடிக்கப்படும்  வரை  இத்தகைய  கடுமையான  பாதைகளின்  மூலமே  ஐரோப்பிய  மிளகு  வாணிகம்  நடைபெற்று வந்தது என அறியலாம்.

தட்ப வெப்பம் மற்றும் மண்வளம்

கருப்பு மிளகு என்பது அதிக மழை மற்றும் ஈரப்பதம் தேவைப்படும் ஈரப்பதமான வெப்பமண்டலத் தாவரமாகும். மேற்குத் தொடர்ச்சி மலைப் பகுதிகளின் வெப்பமான மற்றும் ஈரப்பதமான காலநிலை அதன் சாகுபடிக்கு ஏற்றதாக உள்ளது. இது 20° வடக்கு மற்றும் தெற்கு அட்சரேகைக்கு இடையில் வெற்றிகரமாக வளர்கிறது. மேலும் கடல் மட்டத்திலிருந்து 1500 மீ உயரம் வரை வளரும். மிளகுப் பயிர் 10° முதல் 40°C வரை வெப்பநிலையைத் தாங்கும். உகந்த வெப்பநிலை 23 -32 டிகிரி செல்சியஸ் மற்றும் சராசரியாக 28 டிகிரி செல்சியஸ் ஆகும்.

வேர் வளர்ச்சிக்கு உகந்த மண் வெப்பநிலை 26-28 டிகிரி செல்சியஸ் ஆகும். 125 - 200 சென்டிமீட்டர் மழைப்பொழிவு கருப்பு மிளகுக்கு உகந்ததாக கருதப்படுகிறது. கருப்பு மிளகு 5.5 முதல் 6.5 pH உள்ள பரந்த அளவிலான மண்ணில் வளர்க்கப் படலாம். இருப்பினும்,  இயற்கையாக வளருமிடங்களில், இது சிவப்பு லேட்ரைட் மண்ணில் நன்றாக வளரும்.

• கடலோரப் பகுதிகளில் கருப்பு மிளகு வீட்டுத் தோட்டங்களில் விளைகிறது
• மிட்லாண்ட்ஸ் மற்றும் கருப்பு மிளகு ஒரு தோட்ட அளவில் பரவலாக பயிரிடப்படுகிறது
• கடல் மட்டத்திலிருந்து 800-1500 மீ உயரத்தில் உள்ள மலைகள், காபி, ஏலக்காய் மற்றும் தேயிலை தோட்டங்களில் பெரும்பாலும் நிழல் மரங்களில் மிளகு பயிரிடப்படுகிறது.

மிளகின் வகைகள்

பயிரிடப்படும் மிளகு வகைகளில் பெரும்பாலானவை மோனோசியஸ் வகையாகும். இதில் ஆண் மற்றும் பெண் பூக்கள் ஒரே கதிரில் (spike) காணப்படுகின்றன. இருப்பினும் முழுமையான ஆண் மற்றும் முழுமையான பெண் பாலின வகைகளும் காணப்படுகின்றன.

இந்தியாவில் 75 க்கும் மேற்பட்ட கருப்பு மிளகு வகைகள் சாகுபடி செய்யப் படுகின்றன. கரிமுண்டா கேரளாவில் மிகவும் பிரபலமான வகையாகும். கொத்தநாடன் (தென் கேரளம்), நாராயணக்கொடி (மத்திய கேரளா), ஐம்பிரியன் (வைநாடு), நீலமுண்டி (இடுக்கி), குதிரைவல்லி (கோழிக்கோடு மற்றும் இடுக்கி), பாலன்கோட்டா, கல்லுவல்லி (வடகேரளம்), மல்லிகேசரா மற்றும் உத்தகரே (கர்நாடகம்) ஆகியவை மற்ற முக்கிய சாகுபடி வகைகளாகும்.

குதிரைவல்லி மற்றும் பாலன்கோட்டா ஆகியவை மாற்றுத் தாங்கும் பழக்கத்தை வெளிப்படுத்துகின்றன. தரத்தைப் பொறுத்தவரை, கொத்தநாடானது 17.8% ஆலியோரெசின் (Oleoresin) எனும் எண்ணெய்ப் பொருளை  உள்ளடக்கி உள்ளது.  அதற்கு அடுத்தபடியாக ஐம்பிரியன் வகையில் 15.7% உள்ளது.

17 மேம்படுத்தப்பட்ட கருப்பு மிளகு வகைகள், சாகுபடிக்காக வெளியிடப் பட்டுள்ளன. பன்னியூர்-1, பன்னியூர்-3 மற்றும் பன்னியூர்-8 ஆகியவை பன்னியூரில் உள்ள மிளகு ஆராய்ச்சி நிலையத்தில் (கேரள வேளாண் பல்கலைக்கழகம்) உருவான கலப்பினங்கள் ஆகும். ஐஐஎஸ்ஆர் கிரிமுண்டா மற்றும் ஐஐஎஸ்ஆர் மலபார் எக்செல் ஆகியவை கேரளாவின் கோழிக்கோடு இந்தியன் இன்ஸ்டிடியூட் ஆப் ஸ்பைசஸ் ரிசர்ச் நிறுவனத்தில் இருந்து வெளியிடப்பட்ட இரண்டு கலப்பினங்கள் ஆகும்.

சாகுபடி

கருப்பு மிளகுக் கொடிகள் மூன்று வகையான தளிர்களை உற்பத்தி செய்கின்றன, அதாவது

• படரும் ஆதாரங்களுடன் ஒட்டிக்கொண்டிருக்கும் முனைகளில் பரவிச்செல்லும் வேர்களைக் கொண்ட நீண்ட இடைக்கணுக்கள் கொண்ட முதன்மையான ஏறும் கொடிகள்;
• கொடியின் அடிப்பகுதியில் இருந்து தோன்றி தரையில் படரும் படர் கொடிகளின் தளிர்கள், ஒவ்வொரு முனையிலும் வேர்களைத் தாக்கும் நீண்ட இடைக்கணுக்களைக் கொண்டுள்ளன.
• பழங்களைத் தாங்கும் பக்கவாட்டு தளிர்கள்.

அ. பாரம்பரிய முறை

அதிக மகசூல் தரக்கூடிய மற்றும் ஆரோக்கியமான கொடிகளில் இருந்து படரும் கொடித் தளிர்கள் கொடியின் அடிப்பகுதியில் பொருத்தப்பட்ட மர ஆப்புகளில் சுருட்டப்பட்டு, தளிர்கள் மண்ணுடன் தொடர்பு கொள்ளாமல் மற்றும் வேர்களைத் தாக்குவதைத் தடுக்கும். படரும் கொடித் தளிர்கள் பிப்ரவரி - மார்ச் மாதங்களில் கொடியில் இருந்து பிரிக்கப்பட்டு, இலைகளை வெட்டிய பின், 2 - 3 முனைகளின் துண்டுகளை நாற்றங்கால் பாத்திகளிலோ அல்லது பானை கலவையில் நிரப்பப்பட்ட பாலித்தீன் பைகளிலோ (2ல் மண், மணல் மற்றும் பண்ணை முற்றத்தில் உரம்: 1:1 விகிதம்). போதுமான நிழலை வழங்க வேண்டும் மற்றும் பாலித்தீன் பைகளுக்கு அடிக்கடி பாசனம் செய்ய வேண்டும். மே - ஜூன் மாதங்களில் வெட்டல் நடவுக்கு தயாராகிவிடும்.

ஆ. விரைவான பெருக்கல் முறை

கருப்பு மிளகு கொடிகளை விரைவாகவும் எளிதாகவும் பெருக்குவதற்காக, இலங்கையில் உருவாக்கப்பட்ட ஒரு இனப்பெருக்க நுட்பம் இந்தியாவில் பின்பற்றுவதற்காக மாற்றியமைக்கப்பட்டுள்ளது. இந்த முறையில், 45 செ.மீ ஆழம், 30 செ.மீ அகலம் மற்றும் வசதியான நீளம் கொண்ட அகழி செய்யப்படுகிறது. அகழி 1:1:1 விகிதத்தில் காடு மண், மணல் மற்றும் பண்ணை முற்றத்தில் உரம் கொண்ட வேர்விடும் ஊடகத்தால் நிரப்பப்படுகிறது. மூங்கிலின் பிளவுப் பகுதிகள் அல்லது PVC குழாய்களின் பிளவுப் பகுதிகள், அகழியின் ஒரு பக்கத்தில் வலுவான ஆதரவில் மேல்நோக்கிப் பிளவுபட்ட பகுதியை வைத்து 45° கோணத்தில் சரி செய்யப்படுகின்றன. ஒவ்வொரு மூங்கில் பிளவுக்கும் ஒரு வெட்டு வீதம் அகழியில் வேரூன்றிய துண்டுகள் நடப்படுகின்றன. மூங்கில் பிளவுகளின் கீழ் பகுதிகள் வேர்விடும் ஊடகத்தால் நிரப்பப்பட்டிருக்கும் (முன்னுரிமை வானிலை கொயர் தூசி - பண்ணை முற்றத்தில் எரு கலவை 1:1 விகிதத்தில்) மற்றும் வளரும் கொடியை மூங்கில் பிளவில் கட்டி வைக்கப்படும் நடுத்தர. ஒவ்வொரு ஒற்றைத் கணுகொண்ட வெட்டும் வேர்கள் அப்படியே வெட்டப்பட்டு, புகைபிடிக்கப்பட்ட பானை கலவையால் நிரப்பப்பட்ட பாலித்தீன் பைகளில் நடப்படுகிறது. டிரைக்கோடெர்மா @ 1 கிராம் மற்றும் VAM @ 100 சிசி/கிலோ மண்ணை பானை கலவையில் சேர்க்கலாம். மொட்டுகள் சுமார் மூன்று வாரங்களில் உருவாகத் தொடங்குகின்றன, பின்னர் பாலி பைகளை அகற்றி, முதன்மை வயலில் நடவு செய்யும் வரை நிழலில் வைக்கலாம். இந்த இனப்பெருக்க முறையின் நன்மைகள்

• விரைவான பெருக்கல் விகிதம் (1:40)
• நன்கு வளர்ந்த வேர் அமைப்பு
• உயர் துறையில் நிறுவுதல் மற்றும்
• சிறந்த வேர் அமைப்பின் விளைவாக தீவிர வளர்ச்சி.

இ. அகழி முறை

வயல்களில் வளர்ந்த கொடிகளிலிருந்து எடுக்கப்பட்ட படர் கொடி தளிர்களின் ஒற்றை முனைகளிலிருந்து கருப்பு மிளகைப் பரப்புவதற்கான எளிய, மலிவான மற்றும் திறமையான நுட்பம் உருவாக்கப்பட்டுள்ளது. 2.0 மீ × 1.0 மீ × 0.5 மீ அளவுள்ள குழி குளிர்ந்த மற்றும் நிழலான பகுதியின் கீழ் தோண்டப்படுகிறது. 8 - 10 செ.மீ நீளம் கொண்ட ஒற்றை முனைகள் மற்றும் அவற்றின் இலைகள் அப்படியே, வயல்களில் வளர்ந்த கொடிகளின் படர் கொடி தளிர்களிலிருந்து எடுக்கப்படுகின்றன. அவை பாலித்தீன் பைகளில் (25 செ.மீ. × 15 செ.மீ., 200 கேஜ்) மணல், மண், தென்னை நார்த் தூள் மற்றும் மாட்டுச் சாணம் ஆகியவற்றின் கலவையை சம விகிதத்தில் நிரப்பி,  நடப்படும். குழிக்குள் பைகளை வைத்த பின், பாலித்தீன் தாளால் குழியை மூட வேண்டும். வெட்டப்பட்ட பகுதிகளுக்கு ஒரு நாளைக்கு குறைந்தது ஐந்து முறை நீர்ப்பாசனம் செய்ய வேண்டும். பாலி பையில் உள்ள துண்டுகளை காப்பர் ஆக்ஸிகுளோரைடு (2 கிராம்/லிட்டர்) கொண்டு 2 - 3 முறை நனைக்க வேண்டும்.

சுமார் 1 மாதத்திற்குப் பிறகு, இலையின் அச்சில் இருந்து புதிய தளிர்கள் வெளிவரத் தொடங்கும். நடவு செய்த இரண்டு மாதங்களுக்குப் பிறகு குழியிலிருந்து வெட்டப்பட்ட துண்டுகளை எடுத்து நிழலான இடத்தில் வைத்து ஒரு நாளைக்கு இரண்டு முறை தண்ணீர் பாய்ச்சலாம். சுமார் 2 ½ மாதங்களுக்குப் பிறகு இந்த துண்டுகள் வயலில் நடவு செய்ய தயாராகிவிடும். இம்முறையில் 80 - 85% வெற்றி விகிதத்தைப் பெறலாம்.

ஈ. பாம்பு முறை

கருமிளகின் வேரூன்றிய துண்டுகளின் பாம்பு அடுக்குதல் நுட்பம் மலிவான மற்றும் பயனுள்ள முறையில் பயன்படுத்தப்படலாம். கூரைத் தாள் அல்லது நிழல் வலையுடன் கூடிய நாற்றங்கால் கொட்டகையில், வேரூன்றிய கருப்பு மிளகுத் துண்டுகளை பாலித்தீன் பைகளில் சுமார் 500 கிராம் பாட்டிங் கலவையை வைத்து நடப்படும். அவை தாய் செடிகளாக செயல்படும். செடி வளர்ந்து சில கணுக்களை உற்பத்தி செய்யும் போது, ​​ஒவ்வொரு முனையின் கீழும் பானை கலவையால் நிரப்பப்பட்ட சிறிய பாலித்தீன் பைகளை (20 × 10 செ.மீ.) வைக்கலாம்.

தென்னங் கீற்றின் நெகிழ்வான கிளையின் உதவியுடன் பானை கலவையுடன் தொடர்பை உறுதிப்படுத்தும் வகையில் மெதுவாக அழுத்தி வைக்கலாம். முனைகளில் இருந்து வேர்கள் வளர ஆரம்பிக்கும் மற்றும் வெட்டுக்கள் மேலும் வளரும். ஒவ்வொரு முனையிலும் வேரூன்றுவதைத் தூண்டுவதற்காக ஒவ்வொரு முனை சந்திப்பிலும் பாட்டிங் கலவை நிரப்பப்பட்ட பாலித்தீன் பைகளை வைக்கும் செயல்முறை மீண்டும் மீண்டும் செய்யப்பட வேண்டும். மூன்று மாதங்களில் முதல் 10 முதல் 12 கணுக்கள் (தாய் செடிகளில் இருந்து) அதிகமாக வேரூன்றி அறுவடைக்கு தயாராகிவிடும். பாலித்தீன் பையுடன் கூடிய ஒவ்வொரு முனையும் வேரூன்றிய முனைக்குக் கீழே வெட்டப்பட வேண்டும். மேலும் வேர்களைத் தூண்டுவதற்காக வெட்டு முனையும் கலவையில் புதைக்கப்பட வேண்டும். பயன்படுத்தப்படும் பாலித்தீன் பைகள் பயோ-கன்ட்ரோல் ஏஜென்ட் மூலம் வலுவூட்டப்பட்ட சோலரைஸ் செய்யப்பட்ட பாட்டிங் கலவையால் நிரப்பப்பட வேண்டும். பானை கலவையானது இரண்டு பங்கு வளமான மேல் மண்ணையும், ஒரு பகுதி ஆற்று மணல்/கிரானைட் தூளையும் மற்றும் ஒரு பகுதி தொழு உரத்தையும் (2:1:1) கலந்து தயாரிக்கப்படும். வேரூன்றிய கணுக்கள் ஒரு வாரத்தில் புதிய தளிர்களை உருவாக்கி 2 - 3 மாதங்களில் வயலில் நடவு செய்ய தயாராகிவிடும். வளரும் கொடிகளுக்கு ஒவ்வொரு நாளும் தெளிப்பான் மூலம் நீர்ப்பாசனம் செய்ய வேண்டும். இம்முறையில், ஒரு தாய் செடிக்கு ஒரு வருடத்தில் சராசரியாக 60 கத்தரிகளை அறுவடை செய்யலாம்.

ஈ. மண் - குறைவான நாற்றங்கால் கலவை

ட்ரைக்கோடெர்மாவால் செறிவூட்டப்பட்ட பகுதியளவு மக்கிய தென்னை நார் பித் மற்றும் மண்புழு உரம் (75:25) (டால்க் தயாரிப்பில், 10 கிராம்/கிலோ என்ற விகிதத்தில் 10 7 cfu/g) பிளக்-ஐப் பயன்படுத்தி ஆரோக்கியமான நடவுப் பொருட்களை உற்பத்தி செய்வதற்கு கருப்பு மிளகு நாற்றங்காலுக்கு வழக்கமான பெருக்கத்துடன் ஒப்பிடும்போது தட்டுகள் ஒரு சிறந்த ஊடகமாகும். பிளக் - ட்ரே நாற்றங்கால் நுட்பமானது கருப்பு மிளகு கொடிகளை, மாற்றியமைக்கப்பட்ட பாம்பு முறையில் ஆரம்பப் பெருக்கத்தை உள்ளடக்கியது, அதாவது. கொடிகளை ஓரளவு சிதைந்த தென்னை நார் பித் மற்றும் மண்புழு உரம் (75:25) வசதியான பரிமாணத்தில் (1.5 மீ அகலம், 10 செ.மீ உயரம் மற்றும் வசதியான நீளம்) படுக்கையில் வேர்களைத் தாக்க அனுமதிப்பதன் மூலம், கொடிகள் வேர்விடும் ஊடகத்தில் தடம் புரண்டு, ஒவ்வொரு முனையிலும் வேர்களைத் தாக்கும். 45 - 60 நாட்களுக்குப் பிறகு, முனைய 5 முனைகளை விட்டு, சுமார் 15 - 20 கணு வேரூன்றிய படர் கொடி ஒற்றை முனை வேரூன்றிய துண்டுகளாக வெட்டப்பட்டு பிளக் - தட்டுகளுக்கு (செல் பரிமாணம் 7.5 × 7.5 × 10.0 செ.மீ) மண்ணால் நிரப்பப்படுகிறது - குறைவான நாற்றங்கால் கலவை. [உரம் இடப்பட்ட தென்னை நார் மற்றும் மண்புழு உரம் (75:25) டிரைக்கோடெர்மாவால் செறிவூட்டப்பட்டது]. ஈரப்பதம் கட்டுப்படுத்தப்பட்ட பசுமை இல்லத்தின் (27±2 ° C) இடைப்பட்ட மூடுபனியுடன் சிறந்த வேர்விடும் மற்றும் நிறுவல் பதிவு செய்யப்படுகிறது. வெட்டுக்கள் ஆரம்ப நிலைக்காக சுமார் 45 - 60 நாட்கள் (4 - 5 இலை நிலை) தட்டுகளில் வைக்கப்படும். நிறுவப்பட்ட துண்டுகள் பின்னர் கடினப்படுத்துவதற்காக நிழல் வலை/இயற்கையாக காற்றோட்டம் உள்ள பசுமை இல்லத்திற்கு மாற்றப்படும் (45-60 நாட்கள்). 120 - 150 நாட்களுக்குப் பிறகு வயலில் நடவு செய்ய ஆரோக்கியமான கருப்பு மிளகு வேரூன்றிய துண்டுகள் தயாராக இருக்கும்.

மிளகின் பயன்பாட்டு வகைகள் 

வால் மிளகு

வால்மிளகு (Piper Cubeba) என்பது, மிளகுக் குடும்பத்தைச் சார்ந்த மற்றொறு  வகையான மூலிகைக் கொடியில் காய்ப்பதாகும். மிளகின் ஒரு வகையான இது மிளகைப்போலவே, ஆனால் காம்புடன் இருப்பதால், வால்மிளகு என அழைக்கப் படுகிறது. மேலும், மருத்துவ குணங்களையும் கொண்டுள்ளது. இதன் காரத்தன்மையால், பசியினைத் தூண்டுவது மற்றும் உடல் வெப்பத்தை அதிகரிப்பது ஆகிய குணங்களைக் கொண்டுள்ளது. சித்த மருத்துவத்தில், பல்வேறு நோய்களைத் தீர்ப்பதற்கு பயன்படுகிறது.

பச்சைமிளகு

பச்சைமிளகு, மிளகுக் கொடியிலிருந்து பறிக்கப்பட்ட மிளகுக் காய்களாகும்.  இம்மிளகுக் காய்கள் பச்சை நிறத்தில் இருப்பதனால், இது பச்சை மிளகு என அறியப்படுகிறது. காய்களின் பச்சை நிறத்தைத் தக்கவைத்துக் கொள்வத்ற்காக, கந்தக டை ஆக்சைடு கலந்து உறைய வைத்து பயன்படுத்தப் படுகிறது. காடியில் ஊற வைக்கப்பட்ட பச்சை மிளகுக் காய்களும் பச்சை நிறத்தைக் கொண்டுள்ளன. கேரள மற்றும் தாய்லாந்து நாட்டுச் சமையலில் மிளகுக் கொடியிலிருந்த்து புதிதாக பறிக்கப்பட்ட பச்சை மிளகுக் காய்கள் பயன்படுத்தப் படுகின்றன. உலர வைக்கப்படாத அல்லது பாதுகாக்கப்படாத மிளகுக் காய்கள் விரைவில் கெடும் இயல்பு கொண்டவை.

கருப்பு மிளகு

பச்சையான பழுக்காத சிறு மிளகு காய்கள் கொடிகளில் இருந்து பறிக்கப்பட்டு, சூடான நீரில் சிறிது நேரம் ஊற வைக்கப்பட்டு, பின்னர் உலர வைக்கப்படுகின்றன. இக்காய்களின் வெளித்தோல் சூட்டினால் உறிக்கப்படுவதனால், இக்காய்கள் வேகமாக உலருவதோடு, அதன் சதைப்பகுதி விதையுடன் காய்ந்து, சுருங்கி, பூஞ்சைக் காளான்களின் துணையோடு கருநிறத்தைப் பெறுகின்றன. இக்காய்களை உலர்த்துவதற்கு இயற்கையான சூரிய ஒளியும் பல இயந்திரங்களும் பயன்படுத்தப்படுகின்றன. இவ்வாறு உலர்த்தப்பட்ட மிளகு, வணிகப் பயன்பாட்டிற்காக அனுப்பப்படுகிறது.

வெண்மிளகு

பெரும்பான்மையான நாடுகளில் கருமிளகே உபயோகத்தில் இருப்பினும், சில பகுதிகளில், வெண்மிளகும் பயன்படுத்தப்படுகிறது. மேற்கூறிய வழிமுறைகளைப் போலின்றி, வெண்மிளகு உற்பத்திக்கு பழுத்த சிவப்பு நிற மிளகுப் பழங்கள் பயன்படுத்தப்படுகின்றன. இப்பழங்கள் ஏறத்தாழ ஒரு வாரம் நீரில் ஊறவைக்கப்படுகின்றன. இதன் மூலம், பழத்தின் சிவப்பு நிற சதைப்பகுதி அழுக வைக்கப்படுகிறது. பின், பழத்தின் சதைப் பகுதி தேய்த்து அகற்றப்பட்டு, விதைகள் உலர்த்தப்படுகின்றன. உலர வைக்கப்பட்ட வெண்நிற விதைகள் வெண்மிளகாக சந்தைப்படுத்தப்படுகிறது. மற்ற சில முறைகளும் பயன்பாட்டில் உள்ளன. இவற்றில் சிலவற்றில் பழுக்காத மிளகுக் காய்களும் வெண்மிளகு உற்பத்திக்குப் பயன்படுத்தப்படுகின்றன.

மிளகின் மருத்துவப் பயன்கள் 

மணமூட்டியாகவும் சுவையூட்டியாகவும் கரு மிளகு பயன்படுத்தப் படுகிறது.  பொடுகுத் தொல்லையைப் போக்க ஸ்பா போன்ற பல மையங்களில் கரு மிளகு அல்லது வால் மிளகுத் தூள் பயன்டுத்தப் படுகிறது.  இத்தூளை எலுமிச்சைச் சாறுடன் சேர்த்து தலைமுடி வேர்களில் தடவுவதன் மூலம், பொடுகுத் தொல்லை நீங்கி முடி பளபளப்புடன் காணப்படும்.    

பல் சொத்தை, பல் வலி மற்றும் ஈறு வீக்கம் போன்ற வாய்வழி பிரச்சனைகளை எதிர்த்துப் போராடவும் மிளவு உதவுகிறது.

மிளகு, விட்டிலிகோ (Vitiligo) எனப்படும் வெண்குட்டத்தைப் போக்குகிறது. வெண்குட்ட நோயில் ஏற்படும் நிறமி இழப்பை, கருப்பு மிளகு மீட்டெடுத்து இந்நிலையைச் சீராக்குகிறது. இதில் உள்ள ஆன்டிஆக்ஸிடன்ட்கள், சுருக்கங்கள் மற்றும் கரும்புள்ளிகள் போன்ற வயதான அறிகுறிகளை எதிர்த்துப் போராடவும் துணை புரிகிறது. தோல் வறட்சியின்றி நலமான தோலைப் பெற மிளகைப் பயன்படுத்தலாம்.  மிளகுத் தீநீர் ஒரு துடைப்பானாகப் பயன்படுத்தப்படுகிறது, இது தோலின் பளபளப்பைப் புதுப்பிக்க உதவுகிறது. வளர்சிதை மாற்றத்தை ஊக்குவித்து உடல் பருமனை எதிர்த்துப் போராட உதவுகிறது.

இதில் உள்ள பிப்பரின் என்னும் ஆல்கலாய்டு, புற்றுநோய்ச் செல்களின் வளர்ச்சியைத் தடுக்க உதவுகிறது.

இது அழற்சி எதிர்ப்புப் பண்புகளைக் கொண்டுள்ளது.

இது கீல்வாத சிகிச்சைக்குப் பயன்படுத்தப் படுகிறது.

ஆஸ்துமா, இருமல் மற்றும் சளி போன்ற சுவாசக் கோளாறுகளுக்கு இது ஒரு நல்ல மூலிகை மருந்தாகும். சைனசிடிஸ் மற்றும் மூக்கடைப்புக்குப்  பயனுள்ளதாக உள்ளது.

வயிற்றுப் பிரச்சனைகளை எதிர்த்துப் போராடவும் கருப்பு மிளகு உதவுகிறது. செரிமானமின்மை மற்றும் வாயுத்தொல்லைக்கு ஒரு பாரம்பரிய மருந்தாக மிளகு விளங்குகிறது.

மலச்சிக்கல் மற்றும் வயிற்றுப்போக்கு போன்ற குடல் நோய்களுக்கு இது ஒரு நல்ல மூலிகை சிகிச்சையாகும்.

டையூரிசிஸ் எனும் சிறுநீர்ப் போக்கியாகவும் இது செயல்படுகிறது. பூச்சிக் கடிக்கு எதிர் மருந்தாகவும் பயன்படுகிறது.

எச்சரிக்கை: இதை உட்கொள்ளும் முன் மருத்துவரை அணுகவும்.

ஒற்றை மூலிகையாக மிளகின் மருத்துவப் பயன் 

1. இருமலுக்கு கருமிளகு

3 கிராம் கருமிளகுத் தூளை ஒரு தேக்கரண்டி தேனுடன் கலந்து,  இரவில் தூங்கும் முன் சாப்பிடவும். இதை உண்ட பிறகு எதையும் உண்ண வேண்டாம்.

5 நாட்களுக்கு இதை பின்பற்றவும்.

2. சளிக்கு கரு மிளகு 

4 முதல் 5 கருப்பு மிளகுகளை மைய அரைத்து, ஒரு தேக்கரண்டி தேனுடன் ஒரு நாளைக்கு ஒரு முறை 3 நாட்களுக்கு மட்டும் சாப்பிடுங்கள்.

குறிப்பு: மிளகுத்தூள் தினமும் புதியதாக இருக்க வேண்டும்.

எச்சரிக்கை: ஒரு நேரத்தில் 3 நாட்களுக்கு மேல் பயன்படுத்த வேண்டாம்.

3. தொண்டை வலிக்கு கரு மிளகு 

ஒரு மேசைக்கரண்டி கருப்பு மிளகுப் பொடியை அதே அளவு சர்க்கரை மற்றும் நெய் சேர்த்து பசையாக்கி தூங்குவதற்கு முன் எடுத்துக் கொள்ளவும். அதன் பிறகு தண்ணீர் அருந்த்த வேண்டாம்.

4. தொண்டைக் கோளாறுக்கு கருமிளகு

பழுக்காத கருப்பு மிளகு பயன்படுத்தி உட்செலுத்தலை தயார் செய்யவும்.  தொண்டை கொப்பளிக்க இதைப் பயன்படுத்தவும்.

5. ஜலதோஷத்திற்கு கருமிளகு

3 முதல் 4 கருப்பு மிளகுகளை அரைத்தத்தூளாக்கி, அதனுடன்  நறுக்கிய இஞ்சி துண்டுகள், 2 நொறுக்கப்பட்ட கிராம்பு, 3-4 துளசி இலைகள் மற்றும் ஒரு கப் தண்ணீர் சேர்த்து ஒரு குடிநீரை தயார் செய்யவும். அதை வடிகட்டி, அதில் 1 தேக்கரண்டி எலுமிச்சை சாறு மற்றும் தேன் சேர்க்கவும். இதை ஒரு நாளைக்கு இரண்டு முறை அருந்தவும்.

6. சைனசிடிஸுக்கு கருமிளகு

8 முதல் 10 கருப்பு மிளகை எரித்து ஒரு நாளைக்கு ஒரு முறை புகையை உள்ளிழுக்கவும்.

7. இரைப்பை குடல் அழற்சிக்கு கருமிளகு

கருப்பு மிளகுப் பொடி 2 சிட்டிகையை வெதுவெதுப்பான நீருடன், ஒரு நாளைக்கு இரண்டு முறை வீதம் 5 நாட்களுக்கு எடுத்துக் கொள்ளவும்.

8. வயிற்றுப் பிரச்சனைகளுக்கு கருமிளகு

20 கிராம் தயிரில் ஒரு சிட்டிகை உப்பு மற்றும் கருப்பு மிளகுத் தூள் சிறிது சேர்த்து, ஒரு நாளைக்கு இரண்டு முறை சாப்பிடவும்.

9. வாய்வுக்காக கருப்பு மிளகு 

கருப்பு மிளகுடன் நல்லெண்ணெய் கலந்து, வயிற்றில் மசாஜ் செய்யவும்.

10. அனோரெக்ஸியாவுக்கு கருமிளகு

வயிற்றில் ஹைட்ரோகுளோரிக் அமிலம் சுரப்பதை, கருப்பு மிளகு  ஊக்குவிக்கிறது. ஹைட்ரோகுளோரிக் அமிலம் செரிமானத்தை மேம்படுத்தி பசியைக் கூட்டுகிறது.

1 டீஸ்பூன் வெல்லப் பொடியை அரை டீஸ்பூன் கருப்பு மிளகு தூளுடன் கலந்து தினமும் உட்கொள்ளவும்.

11. அரிப்புக்கு கருமிளகு

தேங்காய் எண்ணெய்யுடன் கருப்பு மிளகு தூளைச் சேர்த்து கலவையை சூடாக்கவும். இதை அரிக்கும் தோலில் தடவவும்.

12. ஆந்த்ராக்சுக்கு கருமிளகு

கால் தேக்கரண்டி கருப்பு மிளகுத் தூளில் தேன் சேர்த்து, தினம் மூன்று வேளை, 3 நாட்களுக்கு சாப்பிடவும்.

12. எக்ஸிமாவுக்கு கருமிளகு

ஒரு தேக்கரண்டி கருப்பு மிளகுத்தூளை கருமிளகாய் கருகி வரும் வரை பசு நெய்யில் வறுக்கவும். பாதிக்கப்பட்ட பகுதியில் இதைப் பயன்படுத்தவும்.

13. கரும்புள்ளிகளுக்கு கருப்பு மிளகு

50 கிராம் கருப்பு மிளகைப் பொடி செய்யவும். ஒரு தேக்கரண்டி கருப்பு மிளகுத் தூள் மற்றும் தயிர் சேர்த்து பசையாக்கி  கரும்புள்ளிகள் மீது தடவி 20 நிமிடம் விட்டு, வட்ட இயக்கத்தில் தேய்த்து பின் கழுவவும்.

14. கண் நோய்களுக்கு கருமிளகு

2 சிட்டிகை கருப்பு மிளகுப் பொடியை சிறிது தெளிந்த வெண்ணெய் (நெய்) சேர்த்து கலந்து தினமும் சாப்பிடவும்.

15. ஈறு அழற்சிக்கு கருமிளகு

பொடித்த கருப்பு மிளகு 1 தேக்கரண்டி எடுத்து அதில் ஒரு சிட்டிகை உப்பு சேர்த்து பாதிக்கப்பட்ட ஈறுகளில் அதை தேய்க்கவும்.

16. பல் வலிக்கு கருமிளகு

ஒரு தேக்கரண்டி கருப்பு மிளகு தூள் எடுத்து ஒரு கப் தண்ணீரில் 5-6 நிமிடங்கள் கொதிக்க வைக்கவும். ஆற விட்டு வடிகட்டி, வாய் கொப்பளிக்கப் பயன்படுத்தவும்.

மற்ற மூலிகைகளோடு மிளகின் மருத்துவப் பயன்கள்

ஆஸ்துமாவிற்கு மூலிகை மருத்துவம்

 

மருத்துவம் – 1

 

ஒரு மண் பானையில் முடக்கற்றான் இலைப் பொடியும், கத்திரிக்காய்ப் பொடியும், தலா 6 தேக்கரண்டி  மற்றும் ஒரு சிறிய துண்டு பேரரத்தை வேர் ஆகியவற்றைக் கலக்கவும். இதனொடு ஒரு தேக்கரண்டி சீரகம், 4 கருப்பு மிளகு மற்றும் ஒரு தேக்கரண்டி சுக்குப் பொடி சேர்க்கவும். இதில் 3 குவளை தண்ணீர் சேர்த்துக் கொதிக்க வைத்து ஒரு குவளையாகச் சுண்ட வைக்கவும்.

இக்குடிநீரில், ஒரு தேக்கரண்டி, ஒரு நாளைக்கு இரண்டு முறை எடுத்துக் கொள்ளவும்.

 

மருத்துவம் – 2

 

வெள்ளெருக்கன் பூக்கள், கிராம்பு மற்றும் கருப்பு மிளகு ஆகியவற்றைச் சம அளவு எடுத்து, அவற்றை ஒன்றாக அரைக்கவும். இக் கலவையை ஒரு சிட்டிகை வெதுவெதுப்பான நீரில் கலக்கவும். இந்த தண்ணீரை ஒரு நாளைக்கு ஒரு முறை குடிக்கவும்.

எச்சரிக்கை:

அதிகமாகப் பயன்படுத்த வேண்டாம். ஏனெனில் இது வயிற்றுப்போக்குஅல்லது வாந்தியை ஏற்படுத்தும்.

 

மருத்துவம் – 3

 

வாழைப்பழத்தை நடுவில் இருந்து பிளந்து, கருமிளகுப் பொடியை நிரப்பி, ஒரு இரவு முழுவதும் வைத்திருந்துக் காலையில் சாப்பிடவும்.

 

மருத்துவம் – 4

 

வாழைத் தண்டுச் சாறு 200 மில்லி யுடன் 2 தேக்கரண்டி மிளகுத் தூள் சேர்த்துக் கலக்கவும். ஒரு நாளைக்கு இரண்டு முறை 2 தேக்கரண்டி அருந்தவும்.

 

மருத்துவம் – 5

 

6 மில்லி தேன், 8 கிராம் சுக்குப் பொடி மற்றும் 10 கிராம் பொடித்த மிளகு 50 மில்லி  தண்ணீரில் சேர்த்துக் கொதிக்க வைத்து, ஒரு நாளைக்கு ஒரு முறை 20 மில்லி குடிக்கவும்.

 

மருத்துவம் – 6

 

1 தேக்கரண்டி இஞ்சிச் சாறுடன் அரை தேக்கரண்டி மிளகுத் தூள் மற்றும் 1 தேக்கரண்டி தேன் எடுத்துக் கொள்ளவும். ஒரு நாளைக்கு இரண்டு முறை 1 தேக்கரண்டி ஒரு எடுத்துக் கொள்ளவும்.

 

மருத்துவம் – 7

 

12 மிளகைப் பொடித்து அதனுடன், 4 கிராம்பு மற்றும் 12 துளசி இலைகளை 200 மில்லி தண்ணீரில் 15 நிமிடங்கள் வரை கொதிக்க வைத்து, இந்தத் தீநீரை வடி கட்டி, 1 முதல் 2 தேக்கரண்டி தேன் கலந்து, ஒரு நாளைக்குஒரு முறை குடிக்கவும்.

 

இருமலுக்கு மூலிகை மருத்துவம்  

 

மருத்துவம் – 1

 

ஒரு மண் பானையில் முடக்கற்றான் இலைப் பொடியும், கத்திரிக்காய்ப் பொடியும் தலா 6 தேக்கரண்டி மற்றும் ஒரு சிறிய துண்டு பேரரத்தை வேரைப் பொடித்துக் கலக்கவும். இதனொடு ஒரு தேக்கரண்டி சீரகம், 4 கருப்பு மிளகு மற்றும் ஒரு தேக்கரண்டி சுக்குப் பொடி சேர்க்கவும். இதில் 3 குவளை தண்ணீர் சேர்த்துக் கொதிக்க வைத்து ஒரு குவளையாகச் சுண்ட வைக்கவும்.

இக்குடிநீரில்,ஒரு தேக்கரண்டி, ஒரு நாளைக்கு இரண்டு முறை உட்கொள்ளவும்.

 

மருத்துவம் – 2

 

நாயுருவியின் (Achyranthes Aspera) உலர்ந்த வேரை நிழலில் உலர்த்தி இடித்துப் பொடித்து வைத்துக் கொள்ளவும். இப்பொடியுடன் (ஒரு சிட்டிகை) சம அளவு தேன் மற்றும் ¼ பங்கு கருமிளகுப் பொடி சேர்த்து, ஒரு நாளைக்கு மூன்று முறை உட்கொள்ளவும்,

 

மருத்துவம் – 3

 

மாம்பாஞ்சானின் (Aristolochia Indica) உலர்ந்த வேர்களை அரைத்துப்பொடி செய்துகொள்ளவும். 1 தேக்கரண்டி இப்பொடியுடன்,   1/2 தேக்கரண்டி கருமிளகுப் பொடியைச் சேர்த்து வெதுவெதுப்பான நீரில் ஒரு நாளைக்கு ஒரு முறை எடுத்துக் கொள்ளுங்கள்.

 

மருத்துவம் – 4

 

மூன்று மிளகைப் பொடித்து அதனுடன் ஒரு சிட்டிகை பெருஞ்சீரகத் தூள் (Carum Carvi) மற்றும் உப்பு சேர்த்து அரைத்து உட்கொள்ளவும்.

 

ஜலதோஷம், இருமல் மற்றும் தொண்டை வலிக்கான மூலிகை மருத்துவம்

ஒரு தேக்கரண்டி கொள்ளை ஒரு கப் தண்ணீரில் கொதிக்க வைத்து அரைத்துப் பசையாக்கி  ஒரு சிட்டிகை கருமிளகுத் தூள் சேர்த்துக் கலக்கவும். ஒரு நாளைக்கு 2 முறை உட்கொள்ளவும். வடிகட்டிய நீரையும் அருந்தலாம்.

தொண்டைப் புண், தொண்டை வலிக்கு மருத்துவம்

மருத்துவம் – 1

மிளகு, திப்பிலி, கொட்டை நீக்கிய தான்றிக்காய், பேரீச்சம்பழம், மற்றும் திராட்சை, ஆகியவற்றை சம அளவு சேர்த்து அரைத்து ஒரு மேசைக்கரண்டி விழுதுடன் அதே அளவு தேன் கலந்து ஒரு நாளைக்கு மூன்று முறை எடுத்துக் கொள்ளவும்.

இருமலுக்கும் இது சிறந்த மூலிகை மருத்துவமாகும் .

மருத்துவம் – 2

 

8 முதல் 10 பாதாம் எடுத்து இரவு முழுதும் ஊற வைத்து வெளிப்புறத் தோலை நீக்கி 1 கப் தண்ணீரில் 8 முதல் 10 கருப்பு மிளகுத்தூள் சேர்த்து அரைத்து  சிறிது தேன் குழைத்து, ஒரு நாளைக்கு ஒரு முறை உட்கொள்ளவும்.

மூச்சுக் குழல் அழற்சிக்கு மருத்துவம்

மருத்துவம் – 1

சுக்குப் பொடி, மிளகுப் பொடி, மஞ்சள் பொடி மூன்றையும் சம அளவு கலந்து வைத்துக் கொள்ளவும்.   ஒரு நாளைக்கு இரண்டு முறை அரை தேக்கரண்டி வீதம் ஒரு வாரத்திற்கு வழுவழுப்பான நீருடன் உட்கொள்ளவும். 

மருத்துவம் – 2

 

சுக்கு, இலவங்கம், மிளகு ஆகியவற்றை சம அளவு ஒன்றாக அரைத்து வைத்துக் கொள்ளவும். ஒரு நாளைக்கு மூன்று முறை ஒரு சிட்டிகை தேனுடன் சாப்பிடவும்.

மருத்துவம் – 3

இலவங்கம் மிளகு   உலர்ந்த  வெள்ளை எருக்கன் பூக்கள்     12 4  விகிதத்தில் பொடித்து கலந்து வைத்துக் கொள்ளவும் அதில் ஒரு நாளைக்கு ஒரு கிராம் வீதம் மூன்று வேளை வெதுவெதுப்பான நீரில் உட்கொள்ளவும் 

மருத்துவம் – 4

மிளகு திப்பிலி சுக்கு மூன்றையும் சம அளவு எடுத்து பொடித்து வைத்துக் கொள்ளவும் . அதில் ஒரு நாளைக்கு ஒரு கிராம் வீதம் மூன்று வேளை தேனுடன் உட்கொள்ளவும். 

 

 

காரம் நாளையும் தொடரும்